सीडीएस विपिन रावत हेलिकॉप्टर दुर्घटना: तमिलनाडु’क कुन्नूर में बुधदिन दुपहर में चीफ ऑफ डिफेंस स्टाफ (CDS) बिपिन रावत (Bipin Rawat Latest Updates) के ल’ जा रहल सेना के हेलिकॉप्टर दुर्घटनाग्रस्त (Army Helicopter Crash) भ’ गेल. एहि हादसा में CDS बिपिन रावत क’ संग हुनकर पत्नी मधुलिका आ आन लोक सबहक मृत्यु भ’ गेल. सेना क’ एहि हेलिकॉप्टर पर कुल 14 टा लोक सवार छलाह.हादसा के तुरंत बाद प्रधानमंत्री नरेंद्र मोदी आ रक्षा मंत्री राजनाथ सिंह के दुर्घटना सं जुड़ल जानकारी देल गेलन्हि. ओतहि , केंद्रीय रक्षा मंत्री राजनाथ सिंह (Rajnath Singh) वृहस्पति दिन संसद (Parliament) में हादसा के ल’क बयान जारी करताह.
जनतब रहै जे बिपिन रावत के उत्तराखंड’क पौड़ी गढ़वाल सं नाता अछि. हुनकर परिवार देश’क सेना में अपन सेवा सब दैत आयल अछि. हुनकर पिता लक्ष्मण सिंह रावत जी सेहो लेफ्टिनेंट जनरल रहि चुकल छथि. ज्ञात हो जे बुधदिन तमिलनाडु के कुन्नूर में भारतीय वायुसेना के हेलिकॉप्टर क्रैश भ’ गेल जाहिमे सीडीएस बिपिन रावत आ हुनकर पत्नी मधुलिका रावत समेत 14टा लोक सवार छलाह।
