दरभंगा, 20 नवम्बर 2021 :- चाइल्ड लाइन सं दोस्ती सप्ताह के अन्तर्गत आजुक अंतिम दिन विश्व बाल अधिकार दिवस के अवसर पर 20 नवम्बर के मध्य विद्यालय, आनंदपुर में जागरूकता कार्यक्रम आ परिचर्चा के आयोजन कैल गेल ।
एहि अवसर पर केन्द्र समन्वयक अराधना कुमारी विश्व बाल अधिकार दिवस के बारे में कहलनि जे आजुके दिन 1989 ई. में संयुक्त राष्ट्रसंघ के आम सभा द्वारा बाल अधिकार समझौता सबकेँ पारित कैल छल जाहिमे मुख्य रूपे बच्चा लोकनि के चारिटा अधिकार, जीबाक अधिकार, सुरक्षाक अधिकार, विकास के अधिकार आ सहभागिता के अधिकार अछि। ओ अनाथ बच्चा लोकनि के लेल चैल रहल परवरिश योजना सबकेँ संग , कोरोना सं मृत परिवार के बच्चा लोकनि के लेल चलि रहल विशेष बाल सहायता योजना के बारे में सेहो जानकारी देल गेल।
20 Nov 2021
