शनिकेँ मैथिली साहित्य कथा लेखनकेँ समर्पित गोष्ठी सगर राति दीप जरय केर आयोजन राजकीय कृत मध्यविद्यालय ननौर परिसर मे आयोजित भेल। पहिल सत्र मे एगारह टा पोथी लोकार्पित भेल। स्वर्गीय रामलोचन मंडल केँ अवकाश प्राप्त ए.डी.एम. डॉक्टर दयानंद झा आ गीतक राजकुमार रवीन्द्र नाथ ठाकुर केँ डॉक्टर शैलेन्द्र मोहन मिश्र श्रद्धा सुमन अर्पित केलनि।
तकरबाद विभिन्न सत्र मे कथाकार लोकनि अपन कथाक पाठ केलनि आ पठित कथा पर समीक्षक लोकनि अपन मत प्रकट केलनि।
गोष्ठी सामाजिक कार्यकर्त्ता स्वर्गीय रामलोचन ठाकुरक स्मृति मे आयोजित भेल। एकर संयोजक प्रदीप पुष्प छला। एहि गोष्ठी मे अमित मिश्र, जयानंद मिश्र,शिवकुमार मिश्र, उमेश नारायण कर्ण, दीप नारायण विद्यार्थी, पल्लवी मंडल,जगदीश प्रसाद मंडल, उमेश मण्डल, वीणा प्रसाद, मनोज कुमार मनु, रामकृष्ण परार्थी,मोहन मुरारी आ अखिलेश कुमार झा सहित दर्जनों कथाकार अपन कथा पाठ केलनि जाहि पर त्वरित टिप्पणी भेल।
एहि तरहे सगर राति दीप जरय केर ई एक सय नवम आयोजन सफलता पूर्वक सम्पन्न भेल आ पह फटबाक संगहि आयोजन सम्पन्न भेल। अन्त में पुष्प धन्यवाद ज्ञापन केलनि।
26 Jun 2022
