जेडीयू के 15 साल’क कार्यकाल पूरा हेबा पर पूरा बिहार के सबटा जिला सब में जेडीयू के नेता आ कार्यकर्ता लोकनिक द्वारा 15 साल सुशासन के सरकार केर अंतर्गत बिहार’क समस्त जनता के बीच सरकार के काज सब के बुझैल जा रहल अछि।
आजुक दिन एहि क्रम में दरभंगा जिला अंतर्गत जेडीयू के 15 साल कार्यकाल पूरा करबाक उपलक्ष्य में आजुक दिन संस्कृत विश्वविद्यालय के बहुउद्देशीय भवन में अल्पसंख्यक प्रकोष्ठ के राष्ट्रीय महासचिव अली अशरफ फातमि बेनीपुर जेडीयू के विधायक सह जिला अध्यक्ष विनय चौधरी के संगहि संग दरभंगा जिला के समस्त कार्यकर्ता उपस्थित भेलाह आ बिहार में 15 साल नीतीश कुमार के नेतृत्व में सुशासन’क सरकार के काज सबकेँ कार्यकर्ता सबहक बीच विस्तार पूर्वक राखल गेल आ चर्चा कैल गेल जे कोन प्रकारे नीतीश कुमार अपन 15 साल के कार्यकाल में बिहार के आ बिहार वासी सबहक लेल बहुतो काज केलैन।
