दरभंगा । रविदिन शहरऽक सुंदरपुर स्थित ब्राह्मण फेडरेशन केऽ जिलाध्यक्ष डॉ प्रभाकर झा के आवास पर फेडरेशन केर एकटा बैसार आयोजित भेल। बैसार में मुख्य रूप सं संगठनऽक विस्तार आ अलग अलग क्षेत्र सब में काज कऽ रहल ब्राह्मण बंधु के एक मंच पर आनबाक हेतु कार्ययोजना पर चर्चा भेल। एकर अलावा अलग अलग संगठन आ विचारधारा केऽ लोक सभ केंऽ सेहो समाजऽक हित में एक मंच पर आनबाक हेतु समन्वय समिति केऽ निर्माण कैल गेल। एहि समिति केऽ मधुबनी जिला संयोजकऽक भार डॉ संजीव कुमार झा आ दरभंगा जिला संयोजक केऽ भार गोपाल चौधरी केऽ देल गेल।
सभा में कार्यक्रम मे मुख्य अथिति केऽ रूप मे उपस्थित ब्राह्मण फेडरेशन केऽ राष्ट्रीय कार्यसमिति सदस्य सह प्रदेश उपाध्यक्ष डॉ उदभट मिश्रा दुनू संयोजक केऽ नामऽक घोषणा कैलनि आ भविष्य के लेल शुभकामना सेहो देलन्हि।
मौका पर जिला उपाध्यक्ष रंजीत झा गगन, विक्रम झा, आलोक आशीष, ओमप्रकाश झा, मुकेश पाठक, राकेश झा, रमेश झा, आशीष महापात्रा उपस्थित छलाह।
जौँ अहाँ अपन इतिहास के बिसरब, तखन इतिहासो अहाँ के बिसरि जायत।
