#MNN@24X7 संवदिया/मधुबनी 18 सितंबर। रवि दिनक सांझ मधुबनीक युवा रचनात्मकताक नाम रहल। पछिला दिन मधुबनी शहरक टाउन क्लब लग स्थित चाय-दलान पर युवा लोकनिक बेस झमटगर जुटान रहल। एहि जुटानमे बहुमुखी प्रतिभाक धनिक अनेक युवा लोकनि अपन कविता, कथा,नृत्य,मिमिक्री सहित विभिन्न विधामे अपन प्रतिभा प्रदर्शित केलनि। ओहि ठाम दर्शक आ श्रोता रूपमे उपस्थित जनता जनार्दन एहि मिश्रित प्रस्तुति केर भरिपोख आनन्द लेलनि। स्पीक अप मिथिला संस्थाक शांतनु भगत आ अनीस अहमदक ई प्रयास साहित्य जगतक लेल सराहनीय अछि।
एहि आयोजनमे निशांत,राघव रमण,कुमारी साधना, रानू कश्यप, स्नेहा कश्यप, साधना शाण्डिल्य,आदी रमानी,साहिल, कुन्दन झा,आदित्य ठाकुर, अमित रंजन,दीपक त्रिपाठी सहित दर्जनों कवि कलाकार आदि अपन प्रस्तुति सँ पूरा परिवेशमे बहुरंगी छटा छिरिया देलनि। ई ओपन माइक कार्यक्रम युवा साहित्यकार श्री राघव-रमण झा जीक कुशल संचालनमे सफलता पूर्वक सम्पन्न भेल।
19 Sep 2022
