दरभंगा, 14 नवम्बर, दरभंगा जिला के सदर प्रखण्ड स्थित रामशल्ला गाम में जीविका दीदी सबहक द्वारा रबिदिन शराब आ शराब’क धंधाबाज सबहक विरोध में रैली निकालि,जन जागरूकता अभियान चलाओल गेल। रैली में लगभग 100 जीविका दीदी सब पूरा जोश’क संग हिस्सा लेलनि। रैली रामशल्ला गाम सं ल’ बलहा पंचायत तक निकाल गेल। दीदी सब अपन नारा में कहलन्हि जे
‘अब जीविका दीदी जोश में, आओ शराबी होश में,
जीविका दीदीयों ने ठाना है शराब मुक्त बिहार बनाना है
जेहन नारा क’ संग लोक सबकें जागरूक कएलन्हि। दरभंगा में शराबबंदी के पूरा तरह सं प्रभावकारी बनेबाक लेल जीविका दीदी द्वारा व्यापक स्तर पर जन जागरूकता अभियान चलाओल जा रहल अछि।जीविका दीदी सब रैली निकाली के लोक सबसं शराब’क सेवन नहि करबाक अपील कएलन्हि। जीविका दीदि सब एहि मध्य नारा बुलंद करैत लोक सबकें चेतेलनि जे
जो पीये दारू शराब उसका उजड़ गया घर परिवार
एहि तरह’क नारा सं शराब पीबा सं हुअ बला दुष्परिणाम सबहक बारे में जन-जन तक जागरूकता पसारलनि।रैली’क बाद जीविका दीदी सब पंचायत के सार्वजनिक स्थल पर शपथ लेलनि जे अपन गामक लोक सबकें शराब नहि पीब देबैन संगहि सब महिला लोकनि अपन-अपन क्षेत्र के शराब’क धंधा कर बला सबहक जानकारी टॉल फ्री नंबर पर देबाककी बात सेहो बुझेलन्हि।मौका पर सत्त जीविकोपार्जन योजना’क यंग प्रोफेशनल दीपक, कुमार अभिनय सामुदायिक समन्वयक चंदन कुमार आ सैकड़ों क संख्या मे जीविका दीदी सब उपस्थित छलीह।
