दरभंगा, 24 दिसम्बर 2021 :- विधानसभा के माननीय अध्यक्ष श्री विजय कुमार सिन्हा के दरभंगा में 27 दिसंबर के निर्धारित कार्यक्रम क’ ल’के जिला स्तरीय पदाधिकारी सबहक द्वारा जिला अतिथि गृह में एकर तैयारी क ल’क समीक्षा बैसार कैल गेल।
बैसार में माननीय विधानसभा अध्यक्ष के सम्पर्क पदाधिकारी-सह-उप निदेशक संजय कुमार सिंह द्वारा बताओल गेल जे 27 दिसम्बर के विधानसभा क’ माननीय अध्यक्ष 07:10 बजे पूर्वाहन विश्वविद्यालय परिसर अवस्थित श्यामा माई मंदिर में पूजा-अर्चना करताह। एकर उपरान्त विश्वविद्यालय परिसर में अवस्थित महाराजा के प्रतिमा,डॉ भीमराव अंबेडकर आ एलएन मिश्रा के मूर्ति पर माल्यार्पण करताह।
तदोपरांत माननीय अध्यक्ष द्वारा डॉ. नागेन्द्र झा स्टेडियम में जन-प्रतिनिधि सबहक संग 05 सामाजिक नैतिक संकल्प लेल जायत। ओतहि कार्यक्रम संपन्न हेबाक उपरांत ओ विश्वविद्यालय के जुबली हॉल में बच्चा सबहक द्वारा आयोजित *बाल संसद* में शिरकत करताह। जत बच्चा सबहक द्वारा विधानसभा में चल बला प्रश्नोंत्तरकाल/ध्यानाकर्षण प्रस्ताव आ आन बहस के तरहें बाल संसद कार्यक्रम कैल जाएत ।
उक्त बैसार में अनुमण्डल पदाधिकारी सदर स्पर्श गुप्ता, अपर समाहर्त्ता अनिल कुमार सिन्हा, उप निदेशक, जन सम्पर्क नागेन्द्र कुमार गुप्ता, वरीय उप समाहर्त्ता टोनी कुमारी आ राहुल कुमार, सहायक निदेशक (सामाजिक सुरक्षा) नेहा कुमारी, डी.आर.डी.ए निदेशक गणेश कुमार तथा जिला कार्यक्रम पदाधिकारी (मध्याहन भोजन) संजय देव कन्हैया उपस्थित छलाह ।
25 Dec 2021
